منتديات بلدنا


 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 حتى تكون مواطن خليلي يجب عليك أن ..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المتمـرّد
إدارة المنتدى
avatar

ذكر
عدد الرسائل : 1402
العمر : 29
الحالة الاجيماعية : طفران
النقاط :
0 / 1000 / 100

تاريخ التسجيل : 07/05/2007

بطاقة الشخصية
المستخدم:

مُساهمةموضوع: حتى تكون مواطن خليلي يجب عليك أن ..   05.10.07 20:46

:: السلام عليكم ::

عشان تصير مواطن خليلي لازم ..


بداية وحتى تصبح مواطن خليلي يجب عليك إتقان الكشرة الخليليه فهذا من أهم ما يميز الإنسان الخليلي عن الإنسان العادي !
البوز الملوي … والحواجب المعقودة ….
وإذا نظر إليك أحدهم فقل له بكل استعلاء:
(أبو الشباب ... ليش بتجح بخلقتي ... مضيع بوجهي شيكل ؟)
هكذا تكون قد قطعت شوطا كبيرا نحو الخليليه !

تابعا للنقطة السابقة .... فلتسير على مبدأ
اللي بيطلع عليك بعين ... اطلع عليه بنص عين
يعني نظرة انقرافية بحته ...
أي بالكلمات الخليليه :
(كلك على بعضك مش شايفك)


تعلم فن التعصيب ... وأقل كلمه تطلع (عصبيتك)
عصب وصيح وبزق وانت بتحكي !!
على شرطي المرور .. على الكونترول ... على سايق التاكسي
المهم تتهاوش هوشه يوميه
وتحرق وراها بوكيت (باكيت) دخان !


المواطن الخليلي إنسان كالصخر !
خارق للمنطق والعادة .... ولا يخضع لأي عمليات حسابيه

- نضرب مثال..
المواطن الخليلي العادي بدفع ايجار بيت 800 شيكل
كهرباء وميه حوالي 200 شيكل
عنده سياره قسطها الشهري 500 شيكل !
وترخيص على بنزين على زيت تقريبا بالشهر 150 شيكل !
دخان بمعدل باكيت باليوم (وهذا مش مدخن ... بيعفط تعفيط) بس 50 دينار شهري !
احكي 150 أكل وشرب
وحوالي 100 بالشهر بطاقات شحن (إذا ما كان حبيب) .... اذا كان بحب بده 500 شيكل ..
250 اله و 250 لحبيبته... ليش هي بتتنازل تشحن لحالها
(حبيت تحكي اشحنلي ما حبيت فيه غيرك كتييير)
صار المبلغ فوق ال 2000 شيكل تقريبا
وهو كل راتبه 1000-1200 شيكل ....
كيف بتزبط معه ؟؟؟ الله اعلم !!!



حتى تصبح مواطن خليلي يجب ان يكون لديك
او امتلكت في يوم ما
أو تحلم بأن تمتلك
احدى السيارات التاليه:

- بيجووو 76 !
- تبينكي عائليه !
- زعرا (والمقصود BMW 320 )
- فوكس فاجن (حصريا للتكاسي)
- لف (والمقصود مرسيدس 200 موديل 82 وحتى 85)
- او 180 (المقصود مرسيدس موديل الستينات) ... وانتا بتلفها براحتك


حتى تكون مواطن خليلي ..
يجب أن يكون أحد أقرباءك من مواليد الف وتسعميه وتنكه
له سن ذهب !

حتى تكون مواطن خليلي يجب أن يكون جدك
قد امتلك نصف عين سارة أو راس الجورة في يوم من الايام ..
وباعها بميتين ليره

حتى تكون مواطن خليلي ..
عليك أن تكون دقر .. تتعلم المداقره
مثلا .. واحد دق عليك الباب احكيله مين ؟
بس يحكيلك انا فلان .... قوله ع طول لا مش انت
المهم تداقر شوي على أي موضوع
حتى لو كنت عارف حالك غلطان

حتى تكون مواطن خليلي ..
يجب أن يكون لك واسطه في كل دائرة حكومية
قرابه
او نسب
او صحبه
او ابن عم خالة جدها لمرة جار اخوك
المهم تمشي حالك ..

حتى تكون مواطن خليلي ..
تعلم فن التقسيط ...
جوال اقساط
سيارة اقساط
اثاث بيت اقساط
جرابات اقساط !
لازم يصفي من راتبك كل شهر 30 شيكل لانه الباقي اقساط !!!
وتعلم ان تجد كفيلا يكون (خروف)
(الكفيل الخروف: يعني كفيل أهبل يدفع عنك القساط التي تتهرب من دفعها)
علشان يخصمو عليه هو
ويخفف عليك شوي من اقساطك !!!
.
.
.


بعدي هيك بقدر اقول
مبروك ... أنت خليلي !!!

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://almotamared.spaces.live.com
اغصان فلسطين
عضو متميز
عضو متميز
avatar

انثى
عدد الرسائل : 473
العمر : 32
الحالة الاجيماعية : مرتبطه
النقاط :
0 / 1000 / 100

تاريخ التسجيل : 28/05/2007

بطاقة الشخصية
المستخدم:

مُساهمةموضوع: رد: حتى تكون مواطن خليلي يجب عليك أن ..   08.10.07 21:35

نعم متمرد النظرات النطعاجيه والحكي الانفتالي تاعت الخلايله بتكون واضحه وحتى لغه البيزات يعني لغات المصاري بس هي الي دارجه في حياتهم حتى بقسط اجار الطريق وهو بالسياره مروح على البيت

موضوع حلو والاحلى اغاني اصاله في توقيعك تحياتي

_________________
On the key board of life , always keep one finger one finger on the scape key
[b][i][u]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
المتمـرّد
إدارة المنتدى
avatar

ذكر
عدد الرسائل : 1402
العمر : 29
الحالة الاجيماعية : طفران
النقاط :
0 / 1000 / 100

تاريخ التسجيل : 07/05/2007

بطاقة الشخصية
المستخدم:

مُساهمةموضوع: رد: حتى تكون مواطن خليلي يجب عليك أن ..   08.10.07 21:41

شكرا لمرورك اغصان فلسطين
والله كتير مبسوط انو رجعتي للمنتدى وبلش ينور بمشاركاتك

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://almotamared.spaces.live.com
 
حتى تكون مواطن خليلي يجب عليك أن ..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بلدنا :: ساحات بلدنا ::   :: الساحة العامة-
انتقل الى: